Shyǵys Qazaqstan oblysynyń Altai qalasy koronavirýsqa shaldyqqandardyń kóbeiýine bailanysty karantinge jabyldy, dep habarlaidy "Ult aqparat".
ShQO Taýarlar men qyzmetterdiń sapasy men qaýipsizdigin baqylaý departamenti baspasóz qyzmetiniń málimetine súiensek, Altai aýdandyq bas sanitarlyq dárigeri mindetin atqarýshynyń qaýlysy 15 qarasha kúni kúshine engen. Qujatta Altai qalasynan shyǵýǵa jáne kirýge tyiym salynǵany jáne sanitarlyq posttardyń jumysyn qamtamasyz etý týraly jazyldy.
«Kelesi nysandardyń jumysyna tyiym salý engizilsin: kinoteatrlar, monshalar, saýnalar, basseinder, teatrlar, mádeni nysandar, kitaphanalar men mýzeiler», - delingen qaýlyda.
Sonymen qatar qujatta mektepke deiingi mekemelerde jáne 1-4 synyptarda ata-analardyń ruqsatymen 15 baladan aspaityn kezekshi synyptardy qurý qajettigi aitylǵan. Esterińizge sala ketsek, Shyǵys Qazaqstan oblysy koronavirýstyń taralý qarqyny boiynsha «qyzyl aimaqqa» endi.
Sondai-aq óńirde shekteý sharalary 25 qarashaǵa deiin uzartyldy. 15 qarasha kúni indet taǵy 197 adamnan anyqtaldy. Jalpy, osy ýaqytqa deiin koronavirýsqa shaldyqqan 13 705 adam tirkeldi. Jazylyp shyqty - 9516, qaitys boldy - 259 naýqas.
