شىعىس قازاقستان وبلىسىنىڭ التاي قالاسى كوروناۆيرۋسقا شالدىققانداردىڭ كٶبەيۋٸنە بايلانىستى كارانتينگە جابىلدى, دەپ حابارلايدى "ۇلت اقپارات".
شقو تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, التاي اۋداندىق باس سانيتارلىق دەرٸگەرٸ مٸندەتٸن اتقارۋشىنىڭ قاۋلىسى 15 قاراشا كٷنٸ كٷشٸنە ەنگەن. قۇجاتتا التاي قالاسىنان شىعۋعا جەنە كٸرۋگە تىيىم سالىنعانى جەنە سانيتارلىق پوستتاردىڭ جۇمىسىن قامتاماسىز ەتۋ تۋرالى جازىلدى.
«كەلەسٸ نىسانداردىڭ جۇمىسىنا تىيىم سالۋ ەنگٸزٸلسٸن: كينوتەاترلار, مونشالار, ساۋنالار, باسسەيندەر, تەاترلار, مەدەني نىساندار, كٸتاپحانالار مەن مۋزەيلەر», - دەلٸنگەن قاۋلىدا.
سونىمەن قاتار قۇجاتتا مەكتەپكە دەيٸنگٸ مەكەمەلەردە جەنە 1-4 سىنىپتاردا اتا-انالاردىڭ رۇقساتىمەن 15 بالادان اسپايتىن كەزەكشٸ سىنىپتاردى قۇرۋ قاجەتتٸگٸ ايتىلعان. ەستەرٸڭٸزگە سالا كەتسەك, شىعىس قازاقستان وبلىسى كوروناۆيرۋستىڭ تارالۋ قارقىنى بويىنشا «قىزىل ايماققا» ەندٸ.
سونداي-اق ٶڭٸردە شەكتەۋ شارالارى 25 قاراشاعا دەيٸن ۇزارتىلدى. 15 قاراشا كٷنٸ ٸندەت تاعى 197 ادامنان انىقتالدى. جالپى, وسى ۋاقىتقا دەيٸن كوروناۆيرۋسقا شالدىققان 13 705 ادام تٸركەلدٸ. جازىلىپ شىقتى - 9516, قايتىس بولدى - 259 ناۋقاس.
