Shyǵys Qazaqstanda sottalǵan azamattar pandemiia kezinde 400 myń maska men 642 qorǵanysh kiimin tikti, dep habarlaidy ShQO Qylmystyq atqarý júiesi (QAJ) departamentiniń baspasóz qyzmeti.
Vedomstvo Shyǵys Qazaqstan oblysyndaǵy «Eńbek-Óskemen» RMK nysandarynda jumys isteitin sottalǵandar pandemiia kezinde politsiia, meditsina qyzmetkerleri, memlekettik organ ókilderi jáne óz týystaryna maska jáne arnaiy qorǵanysh kiimderin tigip, sol arqyly ortaq iske óz úlesterin qosqanyn habarlady.
ShQO boiynsha QAJD áielder koloniiasynda jazasyn ótep júrgen burynǵy dáriger Dana Didarova olardyń osyndai aýyr kezeńde kómegin tigizýge tyrysyp júrgenderi týraly aityp berdi.
«Qazirgi kezde bizdiń mekemede tigin tsehy óz shtatyn kóbeitti. Bul qorǵanysh maskalaryn tigý úshin memlekettik tapsyrystyń oryndalýyna bailanysty bolyp otyr. Bul tapsyrmany úlken jaýapkershilikpen oryndap júrmiz. Memleket bizge syiaqy berip, mekeme basshylyǵy gramota, marapattaryn berdi. Men bizdiń mekememizdi de #BIZBIRGEMIZ aktsiiasynyń qatysýshysy dep sanaimyn», - dedi Dana.
«QR Ishki ister ministriniń tapsyrmasy boiynsha, bizdegi sottalǵandar politsiia, meditsina qyzmetkerlerin jáne óz týystaryn jeke qorǵanysh quraldarymen qamtamasyz etip otyr. Buiym materialy gipoallergendi, shańnan qorǵaý qasieti bar jáne infektsiialyq aýrýǵa shaldyǵý qaýpin azaitady. Bul baǵyttaǵy jumys jalǵasyp keledi», - dep qosyp ótti ShQO boiynsha QAJ departamentinen.
