Shyǵys Qazaqstan oblysynda Pfizer vaktsinasyn 4 myńǵa jýyq adam aldy, dep habarlaidy QazAqparat.
ShQO Densaýlyq saqtaý basqarmasy baspasóz qyzmetiniń málimetine súiensek, óńir boiynsha sońǵy táýlikte koronavirýs juqtyrǵan 60 adam tirkeldi. Onyń ishindegi 56 naýqasta aýrý simptomdary baiqalyp otyr.
«Bir kún ishinde 27 patsient tolyqtai saýyǵyp shyqty. 4 simptomsyz virýstasýshy úi karantinin aiaqtady. Qazirgi ýaqytta oblys statsionarlarynda 542 adam emdelýde», - delingen aqparatta.
Jasóspirimderdi, júkti jáne laktatsiia kezeńindegi áielderdi amerikalyq Pfizer vaktsinasymen egý naýqany jalǵasýda. Búginde osy sanattardaǵy 3930 adam ekpe saldyrǵan.
