Shyǵys Qazaqstan oblysy Glýbokoe aýdany ákiminiń orynbasary 500 myń teńge para alǵany úshin 3 jylǵa bas bostandyǵynan aiyryldy, dep habarlaidy QazAqparat.
Bul týraly QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Qaisar Barjaqsynov osyndai Antikor aqparat alańynda málim etti.
«28 qyrkúiekte Glýbokoe aýdandyq sotynyń úkimimen Shyǵys Qazaqstan oblysy Glýbokoe aýdany ákiminiń orynbasary Kimasov 3 jylǵa bas bostandyǵynan aiyryldy. Ol aýdandyq turǵyn úi-kommýnaldyq sharýashylyǵy bólimimen aýdandyq mańyzy bar joldardy kútip ustaý boiynsha memlekettik satyp alý shartyna qosymsha kelisim jasaǵany jáne oryndalǵan jumystar aktilerine kedergisiz qol qoiǵany úshin kásipkerden 500 myń teńge somasynda para aldy degen kúdikke ilindi. Kimasov ómir boiy memlekettik qyzmette qyzmet atqarý quqyǵynan aiyryldy», - dedi agenttik ókili.
Aita keteiik, Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Qaisar Barjaqsynov biýdjetten 40 mln teńge jymqyrdy dep aiyptalǵan Pavlodar qalasyndaǵy «Shańyraq» halyq shyǵarmashylyǵy jáne mádeni-demalys qyzmeti ortalyǵynyń basshysy sottalǵanyn habarlady.
