Shyǵys Qazaqstan oblysynda er azamat áielin únemi uryp, qorqytyp, al ógei qyzyn 5 jyl boiy zorlap kelgen, - dep habarlaidy Tengrinews.kz agenttigi Astana telearnasyna silteme jasap.
Qyzdyń anasy kezekti soqqydan aýrýhanaǵa jatqannan keiin shyndyq ashylǵan.
"Bes jyl boiy kúieýim maǵan únemi qol kóterip, zorlyq-zombylyq kórsetip keldi. Saldarynan talai márte aýrýhanaǵa da tústim. 2022 jyldyń 9 qańtarynda ol meni esimnen tanǵansha uryp-soqty. Qyzym meni óldi dep oilap, anama telefon shaldy. Anam artynsha birden kelip, balalardy ózimen, al meni jedel-járdem shaqyrtyp aýrýhanaǵa jiberdi", - deidi kelinshek.
Dál sol kúni 13 jastaǵy oqýshy qyzy ájesi men týys ápkesine ógei ákesinen 8 jasynan bastap qorlyq kórgenin aitqan. Naqtyraq aitqanda, er-azamat 5 jyl boiy kishkentai qyzǵa seksýaldyq qysym kórsetip kelgen eken.
"Bolǵan jaitty eger de áldekimge aitatyn bolsań, anań men seni óltiremin dep qorqytqan. Sol úshin qyzym eshkimge aitpaǵan", - deidi kelinshek.
Anasynyń aitýynsha, qyzy tipti óz-ózine qol jumsamaq bolǵan. Shyndyqty bilgen otbasy politsiiaǵa aryzdanǵan. Degenmen, kúdikti áli bostandyqta júr.
"Ol ózin kúdikti sanamaidy. Bizge qarap kúledi. Dáleldei almaitynymyzdy, tanystary arqyly jazadan qutylatynyn aitady", - dep ashýlanady zardap shekken qyzdyń anasy.
Saraptama zorlyq-zombylyq bolǵanyn dáleldeýi kerek ekenin aitady otbasynyń advokaty Aiman Ýmarova.
Politseiler tergeý júrip jatqanyn, ázirge ógei ákeni ustaýǵa negiz joq ekenin aitqan.
"Istiń mán-jaiyn tekserýdiń jan-jaqtylyǵyn, tolyqtyǵyn jáne obektivtiligin, onyń ishinde dáleldemelerdi biriktirýdi protsestik sheshimderdi qabyldaýdy qamtamasyz etý úshin qajetti tergeý áreketteri júrgizilip jatyr", - dep habarlady ShQO IID.
