«Nur Otan» partiiasynyń ShQO boiynsha filialy tóraǵasynyń birinshi orynbasary Oleg Chýgýnkov óńirdegi praimerizdiń ótý barysy týraly aityp berdi, dep habarlaidy "Ult aqparat".
Elimizde 17 tamyzdan bastap «Nur Otan» partiiasynyń praimerizine kandidattardy tirkeý bastaldy. Úsh kún ishinde Shyǵys Qazaqstanda 309 adam tirkelip úlgerdi. Onyń ishinde 43%-dy áielder, 26%-dy jastar quraidy.
Praimerizge qatysýǵa niet bildirgenderdiń 206-sy ózin-ózi usynýshylar. Bizdi partiialastardyń belsendiligi qýantty. Basty maqsat – múmkindiginshe kóp adamdy tartý bolatyn. Filialymyzǵa 1200-den astam qońyraý kelip tústi. Menińshe, kandidattardyń sany budan da kóp bolady», - dedi Oleg Chýgýnkov.
Kandidattardy tirkeý 28 tamyzǵa deiin jalǵasady. Keiin kandidattar úgit-nasihat jumystaryn júrgizip, debat uiymdastyryp, daýys jinaidy.
«Jalpy, qazirgi ýaqytta ashyq jáne shynaiy ishki partiialyq sailaýdy ótkizýge barlyq jaǵdai jasalǵan. Partiia Kóshbasshysy Nursultan Nazarbaev aitqandai, eń bastysy, básekege qabiletti barlyq qatysýshy arasyndaǵy teń quqyqty saqtaý. Praimerizge partiia múshelerinen bólek, elimizdiń damýyna úles qosqysy keletin árbir belsendi azamat qatysa alady. Praimeriz ózekti máselelerdi qozǵap, ony sheshýge baǵyttalyp otyr. Sondyqtan biz shynaiy kóshbasshylardy kórgimiz keledi, – dedi Oleg Chýgýnkov.
.jpeg)