Shyǵys Qazaqstanda 16 mektepke ult qairatkerleriniń esimderi berildi. Bul týraly oblys ákiminiń orynbasary Jaqsylyq Omar habarlady.
Atap aitsaq, Úkimettiń qaýlysymen Óskemen qalasyndaǵy №33 mektepke Abaidyń, №1 orta mektepke Shákárimniń, №3 mektep-gimnaziiaǵa Shoqan Ýalihanovtyń, №16 mektepke Záki Ahmetovtiń, Ridder qalasyndaǵy №3 orta mektepke Dinmuhamed Qonaevtyń esimderi berildi.
– Elimizdiń damý tarihynda orny bar memleket jáne qoǵam qairatkerleriniń esimderiniń óńirimizdegi mektepter men basqa da mekemelerge berilýi qýantady. Munyń jas býyndy elshil, memleketshil rýhta tárbieleýdegi máni óte zor. Sondai-aq bul Táýelsizdigimizdiń 25 jyldyq mereitoiy aiasynda turǵyndarymyzǵa erekshe tartý boldy, – dedi aimaq basshysynyń orynbasary Jaqsylyq Omar.
Sondai-aq, Ulan aýdany Blagodarnoe orta mektebi Ahmet Baitursynulynyń, Úrjardaǵy Krýpskaia atyndaǵy mektep-balabaqshasy Abylaihannyń, Óskemendegi ortalyq kitaphanaǵa Oralǵan Bókeidiń esimderimen ataldy. Ult qairatkerlerimen birge óńir tarihynda orny bar tulǵalardyń esimderi de qurmettelip, bilim jáne mádeniet ordalaryna berildi.
