Shyǵys Qazaqstan oblysynda jańajyldyq demalystan keiin óńir mektepterindegi 60%-dan astam oqýshy dástúrli formatta oqýdy bastady, dep habarlaidy "Ult aqparat".
Qazaqstannyń Bas sanitarlyq dárigeri Erlan Qiiasovtyń qaýlysyna sáikes, 2020-2021 oqý jylynyń úshinshi toqsanynan bastap kontingenti 300-ge deiingi qalalyq jáne aýyldyq jerlerdegi jalpy bilim beretin mektepterde 1-11 synyp oqýshylary, 1-5 synyp oqýshylary dástúrli oqytý formatyna kóshti. Oqytýdyń aralas formaty bitirýshi synyptar úshin ruqsat etilgen. Bul rette pánderdiń 70%-y shtattyq rejimde, al 30%-y qashyqtan ótýi tiis.
Osylaisha, Shyǵys Qazaqstanda 121 myńnan astam oqýshy dástúrli formatta oqýdy bastady. Mektepterdegi sabaqtar barlyq sanitarlyq normalardy qatań saqtai otyryp ótýde.
Parlament Májilisi men máslihattar sailaýynyń ótýine bailanysty bilim berý nysandary sailaý ýchaskeleri retinde jumyldyryldy. ShQO Bilim basqarmasynyń málimetinshe, óńirde sailaý ýchaskeleri 527 mektepte ornalasqan. Osy rette, daýys berý ótkizilgen mekemelerde sanitarlyq-epidemiologiialyq qaýipsizdikti qamtamasyz etý úshin 10 jáne 11 qańtarda dezinfektsiia júrgizildi.
Sonymen qatar ShQO Bas sanitarlyq dárigeri mindetin atqarýshynyń qaýlysy boiynsha sailaý komissiialarynyń músheleri 72 saǵatqa úi karantinine jiberilgen. Sonyń ishinde búgingi tańda óńirde 1805 pedagog oqshaýlandy. Olar óz jumystaryn qashyqtan júrgizýde.
