Shyǵys Qazaqstan oblysy Kókpekti aýdanynda mas kúide rýlge otyrǵan er adam jaiaý júrginshini qaǵyp óltirip, oqiǵa ornynan qashyp ketken, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, oqiǵa Kókpekti aýdanyndaǵy «Kókpekti-Vasilev ótkeli» jolynda bolǵan. Mas kúide kólik tizgindegen 35 jastaǵy júrgizýshi jaiaý júrginshini qaǵyp, sol jerden iz sýytqan.
«Jol-kólik oqiǵasy saldarynan 20 jastaǵy azamat aýrýhananyń jansaqtaý bóliminde qaitys boldy. Atalǵan fakti boiynsha QR QK-niń 345-baby 1 - bóligi 3-tarmaǵyna (kólik quraldaryn júrgizýshi adamdardyń abaisyzda adam ólimine ákep soqqan masań kúide jol júrisi qaǵidalaryn buzýy) jáne 347-babyna (jol-kólik oqiǵasy bolǵan jerden ketip qalý) sáikes sotqa deiingi tergeý bastaldy», - dedi ShQO PD bastyǵy Saǵat Madiev.
Politsiia qyzmetkerleri kólik júrgizýshisin qolǵa túsirip, ýaqytsha ustaý izoliatoryna jetkizdi. Qazirgi ýaqytta birqatar sot saraptamalary taǵaiyndalǵan. Sonyń nátijeleri boiynsha protsessýaldyq sheshim qabyldanady.
