Shyǵys Qazaqstan oblysynda koronavirýska shaldyqqan naýqastarǵa arnalǵan oryndardy qajetti quralmen jabdyqtaý jumysy qarqyndy túrde júrgizilýde.
Búgingi kúni 196 jasandy tynys alý apparatyna qosymsha 50 jáne 57 sandyq rentgen-apparatyna qosymsha 10 apparat satyp alyndy.
Bul týraly aimaqtyq kommýnikatsiialar qyzmetinde ótken online-brifing barysynda ShQO Densaýlyq saqtaý basqarmasynyń basshysy Iliias Muhamedjanov málimdedi, dep habarlaidy ShQO Densaýlyq saqtaý basqarmasy baspasóz qyzmeti.
«Osyǵan deiin 175 ottegi kontsentratorǵa qosymsha búgin 30 kelip tússe, 17 shildegen deiin -160, 1 tamyzǵa deiin taǵy 133 apparat alynady. Sondai-aq, 200 monitor, 200 infýzomat, 3 EKMO qurylǵysy, 178 pýlsoksimetr, 12 jasandy tynys alý apparaty (onyń ishinde 2 danasy balalarǵa arnalǵan), jáne 1 kompiýterlik tomograf satyp alyndy», – dedi basqarma basshysy.
Qazirdiń ózinde oblysta 15 kompiýterlik tomografiia ár aýdan-qala boiynsha tirkelip, táýlik boiy jumys istep tur.
Sonymen qatar, jedel járdem kóligi jetispeýshiliginiń aldyn alý maqsatynda qosymsha 216 kólik satyp alý josparlanǵan. Alǵashqy 100 kólik qyrkúiek aiynda qoldanysqa berilmek.
