Foto: ©RIA Novosti
Resei azamattyǵyndaǵy áiel Qazaqstanda 20 jylǵa jýyq zeinetaqy tólemin alǵan, – dep habarlaidy Polisia.kz.
Shyǵys Qazaqstan politseileri qazan aiynyń basynda qos azamattyǵy bar zańbuzýshyny anyqtaǵan.
"Altai aýdanynyń 76 jastaǵy turǵyny 2002 jyldyń qarashasynda Resei azamattyǵyn alǵany anyqtaldy.
Sonymen qatar 2004 jyly zeinetkerlik jasqa jetken áiel Qazaqstannan jáne Reseiden de zeinetaqy tólemderin alyp otyrǵan" - delingen habarlamada.
Memleketke keltirilgen zalal 13 million teńgeden asady.
"Qazirgi ýaqytta shetel azamatynan Qazaqstan qujattary tárkilenip, Qazaqstan Respýblikasynyń azamattyǵynan aiyrý týraly qujat tirkeldi. Budan basqa, quqyq buzýshy QR ÁQBtK-niń 496-baby 1-bóligi boiynsha 100 AEK mólsherinde aiyppul tóleý túrindegi ákimshilik jaýapkershilikke tartyldy" – dep atap ótti ShQO PD kóshi-qon qyzmeti basqarmasynyń bastyǵy Nurlan Jeńiqsanov.
Aita ketý kerek, ShQO-da jyl basynan beri 45-ten astam adam azamattyq týraly zańnamany buzǵany úshin ákimshilik jaýapkershilikke tartylǵan. ShQO PD kóshi-qon qyzmeti basqa eldiń azamattyǵyn alǵan jaǵdaida 30 kún ishinde Qazaqstan Respýblikasynyń ishki ister organdaryna nemese elimizdegi shetel mekemelerine habarlaý qajet ekenin eskertedi.
