Foto: polisia.kz
ShQO politsiiasy qos azamattyqtyń 30 deregin anyqtady, - dep habarlaidy «Ult aqparat» Polisia.kz saityna silteme jasap.
Qazaqstanda qos azamattyqqa jol berilmeitine qaramastan, oblystyń keibir turǵyndarynda QR jáne kórshi elderdiń pasporttary bar. Jyl basynan beri kóshi-qon qyzmetiniń qyzmetkerleri ShQO aýmaǵynda turatyn qos azamattyǵy bar adamdardy anyqtaý boiynsha jumys júrgizip keledi.
"Jarty jyl ishinde oblys politseileri 30 qos azamattyǵy bar sheteldikti anyqtap, olardyń 8-i Qazaqstannan tysqary shyǵaryldy. Kóp jaǵdaida shetel azamattary QR azamatynyń qujattaryn zańdylyqty bilmegendikten saqtaidy", - delingen habarlamada.
Mysaly, Shemonaiha aýdanynyń 19 jastaǵy turǵyny biylǵy aqpanda Resei azamattyǵyn alǵan. Alaida jas jigit bul týraly qoldanystaǵy zańnamada belgilengen merzimde quqyq qorǵaý organdaryna habarlaý qajet ekenin bilmegen. Quqyq buzýshyǵa qatysty tiisti bap boiynsha ákimshilik hattama toltyryldy. Keiinirek bul material aýdandyq sotta qaralyp, onyń qaýlysymen sheteldikti Qazaqstan Respýblikasynan shyǵarý týraly sheshim qabyldandy.
"ShQO Politsiia departamenti basqa eldiń azamattyǵyn qabyldaǵan kezde QR azamaty 30 kún merzim ishinde ishki ister organdaryna nemese shet memlekettiń aýmaǵyndaǵy Qazaqstannyń diplomatiialyq ókildigine habarlaý arqyly Qazaqstan azamattyǵynan shyǵýy týraly málimdeýi, sondai-aq QR pasporty men jeke kýáligin tapsyrýy qajet ekenin eskertedi".
