Koronavirýske shaldyqqan Semei qalasynyń 2 turǵynymen 6 adam bailanysta bolǵan, dep habarlaidy "Ult aqparat".
«Virýs juqtyrǵan erli-zaiyptymen bailanysta bolǵandar anyqtaldy. Qazirgi ýaqytta sol 6 adam dárigerlerdiń baqylaýynda. Onyń ekeýi karantindik statsionarǵa, tórteýi arnaiy provizorlyq statsionarǵa jatqyzylǵan. Qajetti em-sharalar júrgizilip jatyr», - deidi ShQO Densaýlyq saqtaý basqarmasynyń basshysy Iliias Muhamedjan.
Sondai-aq olardyń turǵylyqty jerlerinde sanitarlyq-epidemiologiialyq sharalar júrgizilýde.
Esterińizge sala ketsek, búgin Semei qalasynda 2 adamnyń koronavirýs juqtyrǵany anyqtaldy. Erli-zaiypty 21 naýryz kúni Mysyrdan kelgen.
