Óskemen qalasynda kólik tizgindep kele jatyp qalǵyp ketken politsei avtobýspen soqtyǵysty, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, jol-kólik oqiǵasy 12 qarashada saǵat 12.47-de bolǵan.
«Leksýs» markaly avtokóliktiń 33 jastaǵy júrgizýshisi Úlbi ózenindegi kópirden ótip bara jatty.
«Aldyn ala málimet boiynsha rýlde uiyqtap ketken ol qarsy jolaqqa shyǵyp ketip, avtobýspen soqtyǵysqan. Sonyń saldarynan avtobýs júrgizýshisi men 4 jolaýshy túrli dene jaraqattaryn aldy. «Leksýs» kóliginiń júrgizýshisi – kezekshilikti aiaqtap, demalysta júrgen politsiia qyzmetkeri. Meditsinalyq saraptamanyń qorytyndysy boiynsha onyń ishimdik ishpegeni anyqtaldy», - delingen aqparatta.
Qazirgi ýaqytta basy jaralanyp, miy shaiqalǵan politsei qalalyq aýrýhanaǵa jetkizilgen.
