ٶسكەمەن قالاسىندا كٶلٸك تٸزگٸندەپ كەلە جاتىپ قالعىپ كەتكەن پوليتسەي اۆتوبۋسپەن سوقتىعىستى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, جول-كٶلٸك وقيعاسى 12 قاراشادا ساعات 12.47-دە بولعان.
«لەكسۋس» ماركالى اۆتوكٶلٸكتٸڭ 33 جاستاعى جٷرگٸزۋشٸسٸ ٷلبٸ ٶزەنٸندەگٸ كٶپٸردەن ٶتٸپ بارا جاتتى.
«الدىن الا مەلٸمەت بويىنشا رۋلدە ۇيىقتاپ كەتكەن ول قارسى جولاققا شىعىپ كەتٸپ, اۆتوبۋسپەن سوقتىعىسقان. سونىڭ سالدارىنان اۆتوبۋس جٷرگٸزۋشٸسٸ مەن 4 جولاۋشى تٷرلٸ دەنە جاراقاتتارىن الدى. «لەكسۋس» كٶلٸگٸنٸڭ جٷرگٸزۋشٸسٸ – كەزەكشٸلٸكتٸ اياقتاپ, دەمالىستا جٷرگەن پوليتسييا قىزمەتكەرٸ. مەديتسينالىق ساراپتامانىڭ قورىتىندىسى بويىنشا ونىڭ ٸشٸمدٸك ٸشپەگەنٸ انىقتالدى», - دەلٸنگەن اقپاراتتا.
قازٸرگٸ ۋاقىتتا باسى جارالانىپ, ميى شايقالعان پوليتسەي قالالىق اۋرۋحاناعا جەتكٸزٸلگەن.
