Shyǵys Qazaqstan oblysy Altai aýdanynda kólik qaqqan 11 jastaǵy bala kóz jumdy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, 19 aqpanda saǵat 13:14-te mektepten avtobýspen qaityp bara jatqan oqýshy aialdamadan túsken. Kenet jol jieginde turǵan balany qarsy baǵytta kele jatqan Audi markaly avtokólik qaǵyp ketti.
«Júrgizýshi birden jedel járdem dárigerlerin shaqyrǵan. Alaida 11 jasar bala oqiǵa ornynda mert boldy. Qazirgi ýaqytta er adam ýaqytsha ustaý izoliatoryna qamaýǵa alyndy», - delingen aqparatta.
Oǵan qatysty QR Qylmystyq Kodeksiniń 345-baby 3-bóligine (Abaisyzda adam ólimine ákep soqqan jol júrisi erejesin buzý) sáikes sotqa deiingi tergeý amaldary júrgizilýde.
