Shyǵys Qazaqstan oblysy Glýbokoe aýdanynda qaitys bolǵan zeinetkerdiń máiiti páterde 8 kún jatqan, dep habarlaidy QazAqparat.
Glýbokoe aýdany Opytnoe pole aýylyndaǵy kópqabatty úi turǵyndary politsiiaǵa podez ishinde máiittiń iisi shyǵyp turǵanyn habarlaǵan. Bul iis jalǵyzbasty qart áje turatyn páterden sezilgen. Oqiǵa ornyna tártip saqshylary jedel jetken.
«Belgili bolǵandai, zeinetker qaitys bolyp, máiit páterde 8 kún jatyp qalǵan. Jalǵyzbasty ájeniń eshkimi bolmaǵan. Marqumǵa qarsy eshqandai qylmystyq áreket jasalmaǵan», - dep habarlady ShQO Politsiia departamentiniń baspasóz qyzmetinen.
Jergilikti turǵyndardyń aitýynsha, ákimdik dezinfektsiia sharalaryn júrgizgenimen podez ishinen iis áli ketpei tur.
