Shyǵys Qazaqstan oblysynda qaita paidalanýǵa bolatyn meditsinalyq maskalar shyǵarý qolǵa alynýda, dep habarlaidy "Ult aqparat".
Bul jaily oblystyq Kásipkerlik jáne indýstrialyq-innovatsiialyq damý basqarmasynyń basshysy Erjan Shurmanov málim etti. Aimaq basshysynyń tapsyrmasy boiynsha dákeden jasalǵan meditsinalyq maskalar shyǵarý jumystary bastalǵan.
«Óńirdegi jeńil ónerkásip kásiporyndary osyndai ónimderdi qalai shyǵarý kerektigin meńgerdi. Búgingi tańda oblystaǵy farmatsevtikalyq kompaniialardyń qoimalarynda meditsinalyq dáke qory jetkilikti. Osynyń nátijesinde qysqa ýaqyt ishinde million danaǵa deiin qaita paidalanýǵa bolatyn maskalar jasai alamyz», - deidi ol.
Basqarma basshysynyń aitýynsha, osyndai meditsinalyq maskalardy sertifikattaý jumystary júrgizilýde. Olar dárihanalarda satylatyn bolady. Bir maskanyń baǵasy 60 teńgeni quramaq.
