ShQO qutqarýshylary men politsiia qyzmetkerleri keshe «Almaty - Aiagóz» tas jolynda turyp qalǵan avtobýstyń jolaýshylaryna kómektesti, dep habrlaidy "Ult aqparat" ShQO TJD baspasóz qyzmetine silteme jasap.
«Almaty - Zaisan» baǵytyndaǵy jolaýshylar avtobýsy keshe qatty aiazǵa bailanysty isten shyǵyp jolda turyp qaldy. Kólik Aiagózden 40 shaqyrym qashyqtyqta toqtaǵan.
«Saǵat 10 shamasynda AIB kezekshisinen jolda 27 jolaýshy jáne 2 júrgizýshi mingen avtobýs synyp turǵany týraly qońyraý tústi. Jergilikti atqarýshy organdarmen birlese otyryp avtobýs jáne jolda qalǵandarǵa arnaiy oryn daiyndadyq. Biz jetkenshe sol mańda ketip bara jatqan avtobýs jolaýshylardy jaqyn jerdegi dámhanalardyń birine jetkizip salǵan. Eki júrgizýshini AIB qyzmetkerleri alyp keldi», - deidi Aiagóz aýdandyq TJ bóliminiń bas injeneri Darhan Nuǵametov.
Jolaýshylardyń barlyǵy zaisandyqtar. Eshkim zardap shekken joq, olardyń boiynan úsik shalý belgileri baiqalmaǵan. Tún ortasynda jolaýshylar jergilikti qutqarýshylardyń kúshimen Aiagóz qalasyna jetkizilip sport mektebiniń ǵimaratyna ornalastyryldy.
