Shyǵys Qazaqstan oblysynda qatty jelden jedel járdem kóligi jol jiegine qulap ketti, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, Shemonaiha aýdandyq aýrýhanasynyń jedel járdem kóligi jol apatyna ushyrady. Naýqasqa qarai bara jatqan kólikte júrgizýshi men feldsher bolǵan.
«Jol-kólik oqiǵasy «Óskemen-Shemonaiha-Resei Federatsiiasynyń shekarasy» tasjolynyń 83-shaqyrymynda tirkeldi. Júrgizýshi aýa raiy jaǵdaiyn, naqty aitqanda qatty jeldi eskermegendikten rýlge ie bola almai qaldy. Sonyń saldarynan kólik aýdarylyp, jol jiegine qulap ketken. Abyroi bolǵanda, eshkim zardap shekken joq», - dep habarlady vedomstvo ókilderi.
Tártip saqshylary júrgizýshige qatysty QR ÁQBtK-niń 610-baby 1-bóligi boiynsha ákimshilik hattama toltyrdy.
