Shyǵys Qazaqstan oblysy Ulan aýdanynda túz taǵylarynyń malǵa shabý jiiledi. Osy oraida aýdan ákimdigi men ShQO Tabiǵi resýrstar jáne tabiǵat paidalanýdy retteý basqarmasy qasqyr sanyn retteý maqsatynda birqatar sharalardy qolǵa alǵan, dep habarlaidy "Ult aqparat".
Sońǵy kúnderi Ulan aýdany, Joǵarǵy Taiynty aýylynda qasqyrlar malǵa tiip, eldiń úreiin qashyrǵan. Búgin ShQO óńirlik kommýnikatsiialar qyzmetinde ótken baspasóz konferentsiiasynda osyǵan bailanysty qandai sharalar atqarylyp jatqany sóz etildi.
«17 aqpan kúni tikushaqtan arnaiy barlaý júrgizilip, Ulan aýdany Alǵabas aýyly mańynda - 6, Joǵarǵy Taiynty aýylynyń aýmaǵynda - tórt qasqyr atyldy. Aldaǵy ýaqytta bul maqsattaǵy jumystar jalǵasyn tappaq. Jalpy biyl oblys boiynsha 510 qasqyr atýǵa ruqsat berilgen. Bul ótken jylǵydan 100 qasqyrǵa kóp», – deidi basqarma basshysy Murat Qusaiynov.
Esterińizge sala ketsek, 2019 jyly Shyǵys Qazaqstan oblysy Tarbaǵatai aýdanynda bir úidiń 70 qoiyn qasqyr tamaqtap ketken bolatyn.
