شىعىس قازاقستان وبلىسى ۇلان اۋدانىندا تٷز تاعىلارىنىڭ مالعا شابۋ جيٸلەدٸ. وسى ورايدا اۋدان ەكٸمدٸگٸ مەن شقو تابيعي رەسۋرستار جەنە تابيعات پايدالانۋدى رەتتەۋ باسقارماسى قاسقىر سانىن رەتتەۋ ماقساتىندا بٸرقاتار شارالاردى قولعا العان, دەپ حابارلايدى "ۇلت اقپارات".
سوڭعى كٷندەرٸ ۇلان اۋدانى, جوعارعى تايىنتى اۋىلىندا قاسقىرلار مالعا تيٸپ, ەلدٸڭ ٷرەيٸن قاشىرعان. بٷگٸن شقو ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسىندا وسىعان بايلانىستى قانداي شارالار اتقارىلىپ جاتقانى سٶز ەتٸلدٸ.
«17 اقپان كٷنٸ تٸكۇشاقتان ارنايى بارلاۋ جٷرگٸزٸلٸپ, ۇلان اۋدانى العاباس اۋىلى ماڭىندا - 6, جوعارعى تايىنتى اۋىلىنىڭ اۋماعىندا - تٶرت قاسقىر اتىلدى. الداعى ۋاقىتتا بۇل ماقساتتاعى جۇمىستار جالعاسىن تاپپاق. جالپى بيىل وبلىس بويىنشا 510 قاسقىر اتۋعا رۇقسات بەرٸلگەن. بۇل ٶتكەن جىلعىدان 100 قاسقىرعا كٶپ», – دەيدٸ باسقارما باسشىسى مۇرات قۇسايىنوۆ.
ەستەرٸڭٸزگە سالا كەتسەك, 2019 جىلى شىعىس قازاقستان وبلىسى تارباعاتاي اۋدانىندا بٸر ٷيدٸڭ 70 قويىن قاسقىر تاماقتاپ كەتكەن بولاتىن.
