Shyǵys Qazaqstan oblysynda shekteý sharalaryn buzýdyń 8 faktisi tirkeldi, dep habarlaidy "Ult aqparat".
Óńirde arnaiy qurylǵan monitoringtik toptar karantin talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saiyn reid júrgizýde.
«19 mamyr kúni Semei qalasynda 138 obekti tekserildi. Oblystyń Bas sanitarlyq dárigeri belgilegen shekteý sharalaryn buzýdyń 5 faktisi tirkeldi. Naqty aitqanda, saýda oryndarynda, qoǵamdyq tamaqtaný obektilerine maska rejimin saqtamaǵandar anyqtaldy. 87 510 teńge somasynda 2 hattama toltyryldy», - delingen ShQO Aqparat ortalyǵy taratqan málimette.
Sonymen qatar Ridderde tekserý barysynda 77 nysan qamtyldy. Shekteý sharalaryn buzý faktileri tirkelgen joq. Al Altai aýdanynda 137 nysan tekserilip, 2 buzýshylyq anyqtaldy. Budan bólek, Úrjar aýdanynda karantin talabyn buzǵan 1 adam tirkeldi.
