Shyǵys Qazaqstan oblysynda monitoringilik toptar reid sharalaryn jalǵastyrýda, dep habarlaidy "Ult aqparat".
Qazirgi ýaqytta óńirde 128 monitoringilik top jumys isteýde. Olardyń maqsaty – karantin kezindegi shekteý sharalarynyń saqtalýyn baqylaý. Shyǵys Qazaqstanda koronavirýstyń taralý qarqyny artyp, oblys «qyzyl aimaqta» tursa da, keibir azamattar áli de zańǵa baǵynbaýda.
22 qarashadan 23-ine qaraǵan túnde Óskemen jáne Semei qalalarynda kezekti reid júrgizildi. Sonyń nátijesinde Óskemendegi «Red Bulls» túngi klýby, «Solnechnaia» monshasy men Semeidegi «Pechki-lavochki» kesheninde ShQO Bas memlekettik sanitarlyq dárigeri bekitken shekteýlerdiń buzylǵany tirkeldi.
«Monitoringilik top kelgen kezde túngi klýbta áleýmettik qashyqtyqty saqtamaǵan 70-ten astam adam bolyp, saýnalar men monshalarda dastarhan jaiylyp, ondaǵan adam kóńil kótergeni belgili boldy. Osyǵan orai quqyq qorǵaý organdary atalǵan mekeme basshylaryn ákimshilik jaýapkershilikke tartý maqsatynda sanitarlyq-epidemiologiialyq baqylaý organdaryna tiisti materialdar jiberdi», - delingen ShQO Aqparat ortalyǵy taratqan málimette.
