Sýret: ashyq derekkóz
Shyǵys Qazaqstan oblysynda politsiia qyzmetkerin videoǵa túsirip, ony TikTok-qa júktegen er adamǵa jaza qoldanyldy. Videoda er adam qyzmetkerge negizsiz sózder aityp, qorlaǵan, dep habarlaidy "Ult aqparat".
Sot málimetterine sáikes, biyl kóktemde, saǵat 21:00 shamasynda Óskemen qalasyndaǵy Bajov jáne Belinskii kósheleriniń qiylysynda er adam jol erejesin buzǵan. Ony toqtatqan politsiia qyzmetkerine qarsy sóilep, videoǵa túsirgen. Keiin beinejazbany TikTok-qa júktep, kóp qaralym jinaǵan. Sotqa kelgen kezde, er adam videony óz erkimen óshirgen.
Óskemen qalasynyń №2 soty er adamdy Qylmystyq kodekstiń 378-baby 2-bóligi (buqaralyq aqparat quraldaryn nemese telekommýnikatsiia jelilerin paidalana otyryp, qyzmettik mindetterin oryndaý kezinde bilik ókilin qorlaý) boiynsha kináli dep tanydy.
"Bul bap boiynsha aiyppul nemese qoǵamdyq jumysqa tartý túrindegi jaza qarastyrylǵan. Aýyrlatatyn mán-jailar anyqtalǵan joq. Jazany jeńildetetin mán-jailar - shyn júrekten ókiný jáne kinásin moiyndaý. Sot 80 saǵattyq qoǵamdyq jumys túrindegi jaza taǵaiyndady," - dep habarlady Óskemen qalasynyń №2 sotynyń baspasóz qyzmeti.
