Shyǵys Qazaqstan oblysy Ridder qalasynyń turǵyny bulan atqany úshin jazaǵa tartyldy, dep habarlaidy "Ult aqparat".
ShQO Orman sharýashylyǵy jáne janýarlar dúniesi inspektsiiasynyń málimetine súiensek, Ridder qalalyq sotynda bulan atqan brakonerdiń isi qaralǵan. Sot úkimimen ol eki jylǵa ańshylyqpen ainalysý quqyǵynan aiyrylyp, bir jylǵa bas bostandyǵy shekteldi. Sonymen qatar aiyptalýshydan memleket paidasyna 2 083 500 teńge óndirilmek.
Esterińizge sala ketsek, ótken jyldyń qazan aiynyń basynda oblystyq Orman sharýashylyǵy jáne janýarlar dúniesi inspektsiiasynyń qyzmetkerleri, prokýrorlar men politseiler patrýldeý kezinde Glýbokoe aýdanyndaǵy Sakmariha ózeniniń jaǵasynda bulan atqan Ridder qalasynyń turǵynyn ustaǵan bolatyn.
