Foto: Polisia.kz
ShQO-da bopsalaýmen ainalysqan qylmystyq toptyń joly kesildi, - dep habarlaidy "Ult aqparat" Polisia.kz saityna silteme jasap.
Jedel-izdestirý is-sharalaryn ótkizý barysynda politsiia qyzmetkerleri Ulttyq ulanmen birlesip, oblys prokýratýrasymen is-qimyl jasasýda óńirde birqatar qylmys jasaǵan qylmystyq toptyń jolyn kesken.
"Óskemen qalasynda arasynda kriminaldyq janjal týyndaǵan birqatar jergilikti turǵyndar men kelýshiler ustaldy. Nátijesinde politsiiaǵa 20 adam jetkizildi. Olardan zattai dáleldemeler retinde: 2 Makarov tapanshasy, 2 travmatikalyq tapansha, 1 myltyq, 1 tegis uńǵyly myltyq, 1 jaryq-shý granatasy jáne 23 túrli kalibrli patron tárkilengen. Sondai-aq 3 birlik avtokólik tárkilendi.
Sodan keiin Katonqaraǵai aýdanynyń aýmaǵynda kásipkerdi asa iri mólsherde bopsalaǵan atalǵan qylmystyq toptyń qatysýshylary ustaldy. Bul derek boiynsha 8 adam ustalyp, onyń 4-ýi qamaýǵa alyndy.
Quqyq qorǵaý organdarynyń jedel áreketteriniń arqasynda aýyr zardaptarǵa ákelýi múmkin degen qylmystardyń jolyn kesýge múmkindik týdy" - delingen habarlamada.
Qylmystyq janjaldyń sebebin jáne osy istiń basqa da mán-jailary QR QK-niń 287-baby 3-bóligi (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý) jáne QR QK-niń 194-baby 2-bóligi (Qorqytyp alý) boiynsha bastalǵan sotqa deiingi tergep-tekserý aiasynda anyqtalady.
