Shyǵys Qazaqstan oblysynda sý qoimalaryndaǵy balyq qoryn saqtaý úshin muz betin burǵylaý jumystary júrgizilýde, dep habarlaidy "Ult aqparat".
ShQO Tabiǵi resýrstar jáne tabiǵat paidalanýdy retteý basqarmasynyń dereginshe, balyq aýlaý kásiporyndary jyl saiyn óńirdiń sý aidyndarynda meliorativtik jumystar júrgizýde. Mundaǵy maqsat – balyq qoryn saqtaý jáne arttyrý. Sondai-aq ózenderdegi balyqtyń qyrylýyn boldyrmaý jáne sýdaǵy ottegi azaiyp ketpes úshin qys kezinde muz beti burǵylanady.
«Osy syndy jumystar ǵylymi uiymdardyń usynymdary negizinde júzege asyrylady. Olar bizge meliorativtik jumystardyń qajettiligin, kútiletin nátijeler men boljamdardy, naqty meliorativtik jumystar júrgizilýi tiis jerlerdi, merzimderin jáne ádis-tásilderin aityp otyrady», - delingen habarlamada.
Osyndai sharalar Kúrshim aýdanyndaǵy Buqtyrma sý qoimasynda, Torańǵy shyǵanaǵynda jáne Qara Ertis ózeninde júrgizilgen.
