Shyǵys Qazaqstan oblysy Aiagóz qalasyndaǵy balalar úiinde 2006 jylǵy balaǵa dene jaraqatyn keltirý faktisi boiynsha sot isi aiaqtaldy, dep habarlaidy "Ult aqparat".
Esterińizge sala ketsek, Aiagózde kámeletke tolmaǵan balany uryp-soǵý faktisi boiynsha sot isi qaralyp jatqanyn habarlaǵan edik.
Is oblys prokýrorynyń baqylaýyna alynyp, oqiǵa ornyna ShQO ákiminiń orynbasary Álisher Marhabat barǵan bolatyn.
Aiagóz aýdandyq soty baspasóz qyzmetiniń málimetine súiensek, eki aiyptalýshyǵa qatysty úkim shyqqan.
«Balalar úiiniń eki tárbieshisine qatysty QR Qylmystyq Kodeksiniń 140-baby 2-bóligine (Kámeletke tolmaǵan adamdy tárbieleý jónindegi mindetterdi oryndamai, qatygezdik tanytý) sáikes is qaraldy. Anyqtalǵandai, olar eki balaǵa qol kóterip, jeńil dárejede dene jaraqatyn keltirgen. Aiyptalýshylar óz kinásin moiyndap, istegen isine qatty ókinetinin jetkizdi» delingen habarlamada.
Sot úkimimen «I» esimdi sottalýshy bala tárbieleýge qatysty kez kelgen mekemede jumys isteý quqyǵynan 2 jylǵa aiyrylyp, 100 saǵattyq qoǵamdyq jumysqa tartyldy.
Al «D» esimdi aiyptalýshy bala tárbileýge qatysty kez kelgen mekemede jumys isteý quqyǵynan 2 jylǵa aiyrylyp, 40 AEK mólsherinde aiyppul tóleýge mindetteldi.
Úkim áli zańdy kúshine engen joq.
