Sýret: creativecommons.org
Shyǵys Qazaqstan oblysyndaǵy Shemonaiha aýdanynda naýqas aýrýhanada bylapyt sózder aitqany úshin qamaýǵa alyndy, - dep habarlaidy Tengrinews.kz saity yk-news.kz portalyna silteme jasap.
Aýyl turǵyny aiaǵyn jaraqattap alyp, Shemonaiha aýdandyq aýrýhanasyna kelgen. Ol qabyldaý bólmesine kelip, kezekte otyrǵan. Sol ýaqytta ashýlanyp, bylapyt sózder aita bastaǵan. Aýrýhana qyzmetkerlerine politsiia shaqyrýǵa týra kelgen.
Bul oqiǵadan keiin eki aptadan soń sot otyrysy ótken. Shemonaiha aýdandyq soty bylapyt sóz aityp, shý shyǵarǵan áieldi úsh kúndik ákimshilik qamaýǵa alý týraly sheshim shyǵarǵan.
Eske salaiyq, 6 naýryzda qoǵamdyq orynda bylapyt sóz aitqandarǵa salynatyn aiyppul tórt ese kóbeigen bolatyn. Endi qoǵamdyq orynda bylapyt sóz aitqandar 69 myń teńge aiyppul (buryn 17 250 teńge bolǵan) nemese 15 táýlikke deiingi merzimge qamaýǵa alynady.
