سۋرەت: creativecommons.org
شىعىس قازاقستان وبلىسىنداعى شەمونايحا اۋدانىندا ناۋقاس اۋرۋحانادا بىلاپىت سٶزدەر ايتقانى ٷشٸن قاماۋعا الىندى, - دەپ حابارلايدى Tengrinews.kz سايتى yk-news.kz پورتالىنا سٸلتەمە جاساپ.
اۋىل تۇرعىنى اياعىن جاراقاتتاپ الىپ, شەمونايحا اۋداندىق اۋرۋحاناسىنا كەلگەن. ول قابىلداۋ بٶلمەسٸنە كەلٸپ, كەزەكتە وتىرعان. سول ۋاقىتتا اشۋلانىپ, بىلاپىت سٶزدەر ايتا باستاعان. اۋرۋحانا قىزمەتكەرلەرٸنە پوليتسييا شاقىرۋعا تۋرا كەلگەن.
بۇل وقيعادان كەيٸن ەكٸ اپتادان سوڭ سوت وتىرىسى ٶتكەن. شەمونايحا اۋداندىق سوتى بىلاپىت سٶز ايتىپ, شۋ شىعارعان ەيەلدٸ ٷش كٷندٸك ەكٸمشٸلٸك قاماۋعا الۋ تۋرالى شەشٸم شىعارعان.
ەسكە سالايىق, 6 ناۋرىزدا قوعامدىق ورىندا بىلاپىت سٶز ايتقاندارعا سالىناتىن ايىپپۇل تٶرت ەسە كٶبەيگەن بولاتىن. ەندٸ قوعامدىق ورىندا بىلاپىت سٶز ايتقاندار 69 مىڭ تەڭگە ايىپپۇل (بۇرىن 17 250 تەڭگە بولعان) نەمەسە 15 تەۋلٸككە دەيٸنگٸ مەرزٸمگە قاماۋعا الىنادى.
