Shyǵys Qazaqstan oblysynda er adam 20 jastaǵy turǵynnan jarty million teńge bopsalaǵan, - dep habarlaidy Polisia.kz saity.
20 jastaǵy jábirlenýshiniń aitýynsha, Berezovka aýylynyń turǵyny kúshiniń basymdyǵyn paidalanyp, odan 500 000 teńge talap etken. Kúdiktini ustaý úshin politseiler Óskemende operatsiia uiymdastyryp, oǵan arnaiy jasaq jumyldyrylǵan.
Kúdikti tártip saqshylarynan jasyrynyp, jol boiynda zattai dáleldemelerden qutylmaq bolǵan. Qaskúnem kinásin moiyndap, odan zańsyz áreketterin rastaityn aqsha qarajaty tárkilendi.
"Qazirgi ýaqytta kúdiktige qatysty eshqaida ketpeý týraly qolhat túrinde bultartpaý sharasy tańdaldy. Onyń áreketi 7 jyldan 15 jylǵa deiingi merzimge bas bostandyǵynan aiyrý túrindegi qylmystyq jazany kózdeitin bopsalaý boiynsha saralanady", - dedi ShQO PD bastyǵynyń orynbasary Almaz Tókenov.
