Shyǵys Qazaqstan oblysy Altai qalasynda adasyp ketken 89 jastaǵy qariia tabyldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tártip saqshylaryna habarlasqan áiel adam úiden syrtqa shyqqan atasynyń múlde habar-osharsyz ketkenin jetkizdi.
Onyń aitýynsha, 89 jastaǵy atasynyń keide esin joǵaltyp alatyny bar. Óz betterimen qansha izdegenderimen odan esh nátije shyqpaǵan.
«Patrýldik politsiia inspektorlary Dáýren Zarqymqanov, Madiiar Ómirzaqov, Almas Omashov pen Ernat Aitbaiuly qalanyń jedel-izdestirý sharalaryn júrgizip, qalanyń barlyq kóshelerin sharlap shyqty. Sonyń nátijesinde, kóshelerdiń birinde jalǵyz júrgen qariiany kórgen. Zeinetker óz sózinde adasyp ketkendigin aitty. Politsiia qyzmetkerleri qart kisine birden úiine jetkizdi», - dep habarlady vedomstvo ókilderi.
Óz kezeginde qariianyń nemeresi jedel áreket etken politseilerge rizashylyǵyn bildirdi.
