Shyǵys Qazaqstan oblysy Ridder qalasynda zeinetkerge qaraqshylyq shabýyl jasaǵan qaskói ustaldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, politsiiaǵa habarlasqan 92 jastaǵy keiýana páterine tereze arqyly kirgen belgisiz bireýdiń ózine kúsh qoldanyp, aqsha talap etkenin aitty.
«Belgili bolǵandai, qart kisi úide jalǵyz turady. Qulaǵy durys estimeitindikten, qylmyskerdiń ishke kirgenin baiqamai da qalǵan. Óziniń aram piǵylyn júzege asyrmaq bolǵan er adam zeinetkerdi tunshyqtyryp, odan aqsha talap ete bastaidy. Sol kezde keiýana esinen tanyp qalǵan. Amaly quryǵan qylmysker izin sýytqan», - dep habarlady vedomstvo ókilderi.
Habar túse salysymen oqiǵa ornyna politsiia qyzmetkerleri jetip, izdeý jumystaryna barlyq jeke quram jumyldyryldy.
«Osyndai kezde ár minýt qymbat. Óitkeni shabýyldaýshy alysqa uzap, tipti qala aýmaǵynan shyǵyp ketýi múmkin edi. Alaida tártip saqshylarynyń jedel is-áreketteri nátijesinde ol qolǵa tústi. Qazirgi ýaqytta sot sanktsiiasymen kúdikti qamaýǵa alynǵan. Oǵan qatysty QR QK-niń 192-baby 3-bóligine sáikes sotqa deiingi tergeý amaldary júrgizilýde. Er adam 12 jylǵa deiin bas bostandyǵynan aiyrylýy múmkin», - dedi oblystyq Politsiia departamentiniń bastyǵy Saǵat Mádiev.
Óz kezeginde qart kisi men onyń kórshileri politseilerge qylmysty ashyp, qaskóidi ustaǵandary úshin alǵys bildirdi.
