شىعىس قازاقستان وبلىسى ريددەر قالاسىندا زەينەتكەرگە قاراقشىلىق شابۋىل جاساعان قاسكٶي ۇستالدى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, پوليتسيياعا حابارلاسقان 92 جاستاعى كەيۋانا پەتەرٸنە تەرەزە ارقىلى كٸرگەن بەلگٸسٸز بٸرەۋدٸڭ ٶزٸنە كٷش قولدانىپ, اقشا تالاپ ەتكەنٸن ايتتى.
«بەلگٸلٸ بولعانداي, قارت كٸسٸ ٷيدە جالعىز تۇرادى. قۇلاعى دۇرىس ەستٸمەيتٸندٸكتەن, قىلمىسكەردٸڭ ٸشكە كٸرگەنٸن بايقاماي دا قالعان. ٶزٸنٸڭ ارام پيعىلىن جٷزەگە اسىرماق بولعان ەر ادام زەينەتكەردٸ تۇنشىقتىرىپ, ودان اقشا تالاپ ەتە باستايدى. سول كەزدە كەيۋانا ەسٸنەن تانىپ قالعان. امالى قۇرىعان قىلمىسكەر ٸزٸن سۋىتقان», - دەپ حابارلادى ۆەدومستۆو ٶكٸلدەرٸ.
حابار تٷسە سالىسىمەن وقيعا ورنىنا پوليتسييا قىزمەتكەرلەرٸ جەتٸپ, ٸزدەۋ جۇمىستارىنا بارلىق جەكە قۇرام جۇمىلدىرىلدى.
«وسىنداي كەزدە ەر مينۋت قىمبات. ٶيتكەنٸ شابۋىلداۋشى الىسقا ۇزاپ, تٸپتٸ قالا اۋماعىنان شىعىپ كەتۋٸ مٷمكٸن ەدٸ. الايدا تەرتٸپ ساقشىلارىنىڭ جەدەل ٸس-ەرەكەتتەرٸ نەتيجەسٸندە ول قولعا تٷستٸ. قازٸرگٸ ۋاقىتتا سوت سانكتسيياسىمەن كٷدٸكتٸ قاماۋعا الىنعان. وعان قاتىستى قر قك-نٸڭ 192-بابى 3-بٶلٸگٸنە سەيكەس سوتقا دەيٸنگٸ تەرگەۋ امالدارى جٷرگٸزٸلۋدە. ەر ادام 12 جىلعا دەيٸن باس بوستاندىعىنان ايىرىلۋى مٷمكٸن», - دەدٸ وبلىستىق پوليتسييا دەپارتامەنتٸنٸڭ باستىعى ساعات مەديەۆ.
ٶز كەزەگٸندە قارت كٸسٸ مەن ونىڭ كٶرشٸلەرٸ پوليتسەيلەرگە قىلمىستى اشىپ, قاسكٶيدٸ ۇستاعاندارى ٷشٸن العىس بٸلدٸردٸ.
