Foto: ashyq derekkóz
Qarjy monitoringi agenttiginiń Shyǵys Qazaqstan oblysy boiynsha departamenti Ulttyq qaýipsizdik komitetimen birlesip, jalpy quny 9 mlrd teńgeden asatyn elektr energiiasyn zańsyz satý deregin áshkereledi, dep habarlaidy Ult.kz.
Tekserý nátijesinde energiiamen jabdyqtaýshy birneshe kompaniia eki jyl boiy halyqqa, áleýmettik nysandar men strategiialyq kásiporyndarǵa arnalǵan elektr energiiasyn maining kásiporyndaryna zańsyz jetkizip kelgeni belgili boldy.
Qoldanystaǵy zańnamaǵa sai, maining kásiporyndaryna elektr energiiasyn satý tek biryńǵai memlekettik satyp alýshy arqyly jáne 1 megavatt-saǵattan aspaityn kólemde ǵana ruqsat etiledi. Alaida zań buzýshylar 50 megavatt-saǵattan astam elektr energiiasyn satqan. Bul 50–70 myń turǵyny bar qalanyń tutyný kólemine teń.
Tergeý barysynda qylmystyq jolmen alynǵan tabysqa elordada 2 páter men 4 avtokólik satyp alynǵany anyqtaldy. Atalǵan múlik sot sanktsiiasymen tárkileý úshin buǵattaldy.
Qazir tergeý amaldary jalǵasýda. QR QPK-niń 201-babyna sáikes, ózge málimetter jariia etilmeidi.
