Shyǵys Qazaqstan oblysynyń politseileri qos azamattyǵy úshin 70-ten astam adamdy jaýapqa tartty, dep habarlaidy QazAqparat tilshisi ShQO PD baspasóz qyzmetine silteme jasap.
Mundai málimetter Shyǵys Qazaqstan oblysy jáne Resei Federatsiiasynyń Altai aimaǵy politseileriniń shekaramańy yntymaqtastyǵy jónindegi jumys kezdesýinde aityldy.
«2019 jyly Altai aimaǵymen árekettestik yqpaldastyq jáne ózara is-qimyl jospary negizinde júzege asyrylýda. Qazaqstan azamattyǵynan aiyrylǵan, aliment pen qaryzyn tólemegendikten memleketaralyq izdeýge jariialanǵan tulǵalardyń tizimin toqsan saiyn jiberip otyramyz», - dep atap ótti ShQO PD Kóshi-qon qyzmeti basqarmasynyń basshysy Erbol Bekpaev.
Qazaqstandyq qujattardy paidalanǵany úshin RF-nyń 74 azamaty jaýapqa tartyldy. Jiyn barysynda kóshi-qon salasyndaǵy seriktestik qana emes, mal men avtokólik urlyǵy, zańsyz esirtki ainalymymen kúres jáne shekara rejimi máseleleri talqylandy.
ShQO PD basshysynyń orynbasary Talǵat Shaiahmetovtiń aitýynsha, jumys barysymen osyndai kezdesýler ótkizý shekaralas elderdiń halyqaralyq yntymaqtastyǵyn nyǵaitýda asa mańyzdy. Kezdesý barysynda kún tártibindegi barlyq suraqtar boiynsha ashyq jáne konstrýktivti dialog ótip, tiisti usynymdar pysyqtaldy. Sondai-aq Resei Federatsiiasy men Qazaqstannyń ishki ister organdarynyń shekaramańy yntymaqtastyǵy aiasynda qylmysqa qarsy birlesken sharalardy belsendi iske asyrý úshin usynystar engizildi.
