Shyǵys Qazaqstan oblysynda 23 mamyrdan bastap balabaqshalar men Halyqqa qyzmet kórsetý ortalyqtary óz jumysyn bastaidy.
Bul jaily aimaq basshysy Danial Ahmetov óziniń Facebook-tegi paraqshasynda jazdy.
«ShQO elimiz boiynsha alǵashqylardyń biri bolyp, 16 mamyrda karantin sharalaryn jeńildetti. Qazirgi tańda óńirde koronavirýs jaǵdaiy turaqty. Ótken aptada tek Semei qalasynda 1 naýqas tirkeldi. Al Óskemen men basqa aýdandarda indet juqtyrýdyń jańa jaǵdailary joq. Bul bizge karantin sharalaryn jeńildetýdiń ekinshi kezeńine ótýge múmkindik berip otyr. Bekitilgen algoritmge sáikes, 23 mamyrdan bastap balabaqshalar men Halyqqa qyzmet kórsetý ortalyqtary óz jumysyn qaita bastaidy», - deidi ákim.
Onyń aitýynsha, oblys ishindegi avtobýs qozǵalysy qalpyna keltirilýde. Biraq ázirge Semeige baratyn qoǵamdyq kólikter jolǵa shyqpaidy.
«Qalypty ómirge qaita oralý úshin eń aldymen, barlyq kásiporyndardyń, shaǵyn jáne orta biznestiń jumysy qalpyna kelý kerektigin jáne turǵyndardyń ózderine qajetti deńgeide aqsha tabýy qajettigin jaqsy túsinemin. Biz aimaq ekonomikasyn qalpyna keltirý úshin kóp jumys isteýdemiz. Barlyq derlik ónerkásiptik kásiporyndar karantinge deiingi jumys rejimine kóshti. Jekemenshik obektilerdiń 65 paiyzy burynǵy qyzmetin bastady. Meiramhanalar, dámhanalar jáne basqa da tamaqtaný oryndary ashyldy. Biz ondaǵy sanitarlyq normalardyń saqtalýyn qatań baqylaýdamyz», - deidi Danial Ahmetov.
Aimaq basshysynyń sózinshe, Chehiia, Frantsiia jáne Germaniia syndy elderde shekteýler alynǵan soń tiisti baqylaýdyń bolmaýy virýstyń qaita órshýine ákelip soqqan. Sondyqtan saqtyq sharalaryn esh ýaqytta umytpaǵan jón.
«23 mamyrdan bastap Óskemen qalasynyń turǵyndary Gornaia Ýlbinka, Sibe kólderi men Buqtyrma sý qoimasyna demalysqa bara alady. Koronavirýske shaldyqqan sany kóbeiip ketpes úshin oblystyń sanitarlyq-epidemiologiialyq qyzmetiniń usynysy boiynsha 1 maýsymǵa deiin aýmaǵy 2000 sharty mertden asatyn oiyn-saýyq ortalyqtary, azyq-túliktik emes taýar satatyn saýda nysandary, úiirmeler men art-klýbtar jumys istemeidi», - deidi ákim.
