Foto: ShQO Densaýlyq saqtaý basqarmasynan
Shyǵys Qazaqstan oblysy Altai aýdanynda 2 jasar balanyń ústine qainaǵan sý toly kirjýǵysh mashina qulap ketip, denesiniń 79 paiyzy kúiip qaldy, dep habarlaidy QazAqparat.
ShQO Densaýlyq saqtaý basqarmasynyń málimetine súiensek, oqiǵa 26 tamyzda Altai qalasynda bolǵan. Sol ýaqyttan beri dárigerler eki jasar balanyń ómiri úshin kúresip jatyr.
Búldirshin úide oinap júrip, qainaǵan sý tolǵan kirjýǵysh mashinany ústine qulatyp alǵan. Sonyń saldarynan basyn, moinyn, denesin, aiaǵy men qolyn termiialyq kúiik shalǵan. Jalpy tula-boiynyń 79 paiyzy kúiip qalǵan.
Ol sanitarlyq aviatsiiamen shuǵyl túrde Óskemen qalasyna jetkizildi.
«Aýrýhanaǵa jatqyzylǵan kúnnen bastap qazirgi ýaqytqa deiin balaǵa shokqa qarsy jáne detoksikatsiia terapiiasy jasalyp, qan men plazma quiyldy. Sondai-aq hirýrgtar denesiniń zaqymdalǵan jerleriniń shamamen 35%-ny 4 eselik aýtodermoplastika (teri egý) jasady. Búginde balanyń jaǵdaiy "turaqty aýyr" dep baǵalanyp otyr», - delingen aqparatta.
