Shyǵys Qazaqstan oblysynyń turǵyndary 42 500 teńge mólsherinde áleýmettik tólem alýda, - dep habarlaidy QazAqparat.
ShQO aqparat ortalyǵynyń málimetine súiensek, óńir boiynsha búginde 12 myńnan astam adamǵa qarjylai kómek kórsetilgen. Jalpy ótinish bildirgender sany 100 myńǵa jýyq.
«Qazposhta men bank bólimshelerinde qyzmetkerler sany 900-den 1500-ge deiin artty. Bul halyqqa ýaqtyly qyzmet kórsetý úshin qajet», - dedi aimaq basshysy Danial Ahmetov.
Sondai-aq barlyq bólimshelerdiń jumys ýaqyty keshki saǵat 21.00-ge deiin uzartylǵan. Dúiim jurt demalys kúnderi de arnaiy áleýmettik esepshot ashyp, járdemaqy ala alady.
