"Qazgidromet" RMK sinoptikteri shildede qai óńirlerde qýańshylyq bolatynyn aitty, - dep habarlaidy "Ult aqparat".
Statistikalyq boljamǵa sáikes, shildede Aqtóbe oblysynyń (Nura, Yrǵyz), Qostanai (Qarameńdi, Amangeldi), Atyraý (Qulsary) jáne Mańǵystaý oblysynyń (Aqqudyq) jekelegen aimqatrynda tótenshe qýańshylyq jaǵdaiy bolady dep kútiledi.
Qatty qýańshylyq – Aqmola (Esil, Jaqsy, Atbasar), Aqtóbe (Novorossiiskoe, Qarabutaq, Basqudyq, Nura, Yrǵyz), Qostanai (Presnogorkovka, Arshaly, Tobyl, Aralkól, Torǵai), Soltústik Qazaqstan (Taiynsha) jáne Mańǵystaý oblysynda (Sam).
Qýańshylyqtyń ortasha deńgeii – Aqmola oblysynda (Balkashino), Aqtóbe (Komsomolskoe, Temir), Qostanai (Mihailovka, Qarasý, Jitiqara, Qusmuryn, Dievskaia, Jeleznodorojnyi), Soltústik Qazaqstan (Iavlenka, Sergeevka jáne Rýzaevka), Shyǵys Qazaqstan (Leninogorsk), Jambyl (Qordai), Almaty (4 aýylynda), Qyzylorda (Qazaly) jáne Atyraý oblysynda (Atyraý).
Maýsymnyń sońǵy onkúndiginde jaýyn-shashyn bolýy múmkindigine bailanysty, ortasha ylǵal jaǵdailary Batys Qazaqstan oblysynda (Jalpaqtal, Jánibek, Orda), Shyǵys Qazaqstan oblysynda (Baqty) jáne Mańǵystaý oblysynda (Beineý) bolady dep boljanǵan. Qalǵan aýmaqtarda ylǵal qalypty jaǵdaiǵa jaqyn bolady dep kútiledi.
Sondai-aq, shildede elimizdiń soltústik-shyǵys jartysynda jaýyn-shashyn mólsheri normaǵa jýyq bolady dep kútiledi.
Standartty jaýyn-shashyn indeksine negizdelgen ylǵaldandyrý jaǵdailarynyń statistikalyq boljamyn konsýltativtik boljam retinde qarastyrǵan jón. Paidalanylǵan boljam ádisi jetkilikti uzaq kezeńde túsken jaýyn-shashynnyń jinaqtalǵan mólsheriniń aldaǵy ailardaǵy ylǵaldaný jaǵdailaryna áserin baǵalaýǵa negizdelgen.
Buǵan deiin sinoptikter shildege arnalǵan aýa raiy boljamyn usynǵan bolatyn. Aýanyń ortasha ailyq temperatýrasy respýblikanyń basym bóliginde normadan 1-2 gradýsqa joǵary, elimizdiń soltústik jartysynda norma shamasynda bolady dep kútiledi.
