"قازگيدرومەت" رمك سينوپتيكتەرٸ شٸلدەدە قاي ٶڭٸرلەردە قۋاڭشىلىق بولاتىنىن ايتتى, - دەپ حابارلايدى "ۇلت اقپارات".
ستاتيستيكالىق بولجامعا سەيكەس, شٸلدەدە اقتٶبە وبلىسىنىڭ (نۇرا, ىرعىز), قوستاناي (قارامەڭدٸ, امانگەلدٸ), اتىراۋ (قۇلسارى) جەنە ماڭعىستاۋ وبلىسىنىڭ (اققۇدىق) جەكەلەگەن ايمقاترىندا تٶتەنشە قۋاڭشىلىق جاعدايى بولادى دەپ كٷتٸلەدٸ.
قاتتى قۋاڭشىلىق – اقمولا (ەسٸل, جاقسى, اتباسار), اقتٶبە (نوۆوروسسييسكوە, قارابۇتاق, باسقۇدىق, نۇرا, ىرعىز), قوستاناي (پرەسنوگوركوۆكا, ارشالى, توبىل, ارالكٶل, تورعاي), سولتٷستٸك قازاقستان (تايىنشا) جەنە ماڭعىستاۋ وبلىسىندا (سام).
قۋاڭشىلىقتىڭ ورتاشا دەڭگەيٸ – اقمولا وبلىسىندا (بالكاشينو), اقتٶبە (كومسومولسكوە, تەمٸر), قوستاناي (ميحايلوۆكا, قاراسۋ, جٸتٸقارا, قۇسمۇرىن, ديەۆسكايا, جەلەزنودوروجنىي), سولتٷستٸك قازاقستان (ياۆلەنكا, سەرگەەۆكا جەنە رۋزاەۆكا), شىعىس قازاقستان (لەنينوگورسك), جامبىل (قورداي), الماتى (4 اۋىلىندا), قىزىلوردا (قازالى) جەنە اتىراۋ وبلىسىندا (اتىراۋ).
ماۋسىمنىڭ سوڭعى ونكٷندٸگٸندە جاۋىن-شاشىن بولۋى مٷمكٸندٸگٸنە بايلانىستى, ورتاشا ىلعال جاعدايلارى باتىس قازاقستان وبلىسىندا (جالپاقتال, جەنٸبەك, وردا), شىعىس قازاقستان وبلىسىندا (باقتى) جەنە ماڭعىستاۋ وبلىسىندا (بەينەۋ) بولادى دەپ بولجانعان. قالعان اۋماقتاردا ىلعال قالىپتى جاعدايعا جاقىن بولادى دەپ كٷتٸلەدٸ.
سونداي-اق, شٸلدەدە ەلٸمٸزدٸڭ سولتٷستٸك-شىعىس جارتىسىندا جاۋىن-شاشىن مٶلشەرٸ نورماعا جۋىق بولادى دەپ كٷتٸلەدٸ.
ستاندارتتى جاۋىن-شاشىن يندەكسٸنە نەگٸزدەلگەن ىلعالداندىرۋ جاعدايلارىنىڭ ستاتيستيكالىق بولجامىن كونسۋلتاتيۆتٸك بولجام رەتٸندە قاراستىرعان جٶن. پايدالانىلعان بولجام ەدٸسٸ جەتكٸلٸكتٸ ۇزاق كەزەڭدە تٷسكەن جاۋىن-شاشىننىڭ جيناقتالعان مٶلشەرٸنٸڭ الداعى ايلارداعى ىلعالدانۋ جاعدايلارىنا ەسەرٸن باعالاۋعا نەگٸزدەلگەن.
بۇعان دەيٸن سينوپتيكتەر شٸلدەگە ارنالعان اۋا رايى بولجامىن ۇسىنعان بولاتىن. اۋانىڭ ورتاشا ايلىق تەمپەراتۋراسى رەسپۋبليكانىڭ باسىم بٶلٸگٸندە نورمادان 1-2 گرادۋسقا جوعارى, ەلٸمٸزدٸڭ سولتٷستٸك جارتىسىندا نورما شاماسىندا بولادى دەپ كٷتٸلەدٸ.
