«Qazgidromet» RMK-sy 2021 jyldyń shilde aiyndaǵy konsýltativtik aýa raiy boljamyn jariialady, dep habarlaidy "Ult aqparat".
Kásiporyn tartqan málimetterge qaraǵanda, shilde aiynda aýanyń ortasha ailyq temperatýrasy respýblikanyń basym bóliginde normadan 1-2° joǵary bolady, elimizdiń soltústik jartysynda norma shamasynda bolady dep boljam jasalyp otyr.
Shildede Qazaqstan aýmaǵynda kún ystyq al jaýyn-shashyn az bolady. Tek keibir kúnderi tsiklondardyń ótýine bailanysty naizaǵai oinap, jańbyr jaýady, jeldiń kúshi sekýndyna 15-25 metrge jetedi.
Respýblikanyń batysynda shilde aiynyń birinshi onkúndiginde aýa temperatýrasy birtindep tómendeidi. Túnde termometr baǵanalary +19+28°S-tan +12+23°S-qa deiin, kúndiz +30+38°S, ońtústik-batysta +41°S-tan +24+32°S-qa deiin tómendeidi.
Qazaqstannyń soltústik-batysynda, soltústiginde jáne ortalyǵynda aýa temperatýrasy: túnde +15+25°S, kúndiz +33+38°S, kei jerlerde +41°S; elimizdiń ońtústik jartysynda - túnde +20+30°S, kúndiz +37+45°S, taýly aýdandarda +30°S, birinshi onkúndiktiń sońynda aýa temperatýrasynyń 10-15°S tómendeýi boljanady.
Aptap ystyq eldiń da shyǵysyna jetedi. Aýa temperatýrasy túnde +12+20°S-tan +20+28°S-qa deiin, kúndiz +27+35°S-tan +33+41°S-qa deiin joǵarylaidy, onkúndiktiń sońynda aýa temperatýranyń 7-10°S-qa tómendeýi boljanady.
Birinshi onkúndikte naizaǵai oinap, jańbyr jaýady, jeldiń kúsheiedi (daýyl, shańdy daýyl) aidyń basynda elimizdiń batysynda jáne soltústik-batysynda, 5-7 shildede Qazaqstannyń soltústigi men ortalyǵynda, onkúndiktiń aiaǵynda ońtústik jáne shyǵys bólikterinde bolýy múmkin.
Shilde aiynyń ekinshi onkúndiginiń basynda aldymen QR batysy men soltústik-batysynda aýa temperatýrasy joǵarylaidy, sodan keiin onkúndiktiń ortasynan respýblikanyń barlyq aýmaǵynda temperatýralyq fonnyń taǵy joǵarylaýy boljanady.
Batysta jáne soltústik-batysta: túnde +22+30°S-qa deiin, kúndiz +33+43°S-qa deiin;
Soltústikte, ortalyqta jáne shyǵysta: túnde +15+23°S-qa deiin, kúndiz +28+39°S-qa deiin;
Ońtústik jáne ońtústik-shyǵysta: túnde +18+27°S-qa deiin, kúndiz +35+43°S-qa deiin;
Úshinshi onkúndikte elimizdiń ońtústik bóliginde aýa temperatýrasynyń túnde +10+17°S-tan +17+25°S-qa deiin, kúndiz +22+33°S-tan +30+38°S-qa deiin, soltústik jartysynda túnde +5+13°S-tan +13+20°S-qa deiin, kúndiz +18+26°S-tan +26+33°S-qa deiin aýytqýy kútiledi.
