Qazaqstannyń depozitterge kepildik berý qory teńge depozitteri boiynsha 2021 jyldyń shilde aiyna usynylatyn eń joǵary syiaqy mólsherlemelerin bekitti, dep habarlaidy "Ult aqparat" qordyń baspasóz qyzmetine silteme jasap.
«Qysqa merzimdi depozitter boiynsha usynylǵan maksimaldy mólsherlemeler Qazaqstannyń Ulttyq bankiniń bazalyq mólsherlemesiniń máni qaita qaralmaǵandyqtan ózerissiz qaldy. Eske salamyz, olardyń deńgeii osy bazalyq mólsherlemege tikelei táýeldi.
24 aiǵa arnalǵan uzaq merzimdi jinaq jáne merzimdi salymdar boiynsha maksimaldy mólsherlemeler de burynǵy deńgeiinde qaldy», delingen habarlamada.
Qordyń málimdeýinshe, buǵan depozit naryǵynyń osy segmentinde belsendiliktiń tómendigi sebep bolǵan. Bul rette teńgelik depozitterdiń ishinde eń tabystysy – 14 paiyz 12 aiǵa arnalǵan, tolyqtyryp otyrýǵa bolmaityn jinaq salymdary.
