Qyzylorda oblysy Shieli aýdanynda kún elektr stansasynyń qurylysy bastaldy, dep habarlaidy "Ult aqparat".
Elbasy Nursultan Nazarbaev 2018 jylǵy qazandaǵy Qazaqstan halqyna Joldaýynda «Eń aldymen «bolashaqtyń ekonomikasynyń» balamaly energetika, jańa materialdar, biomeditsina, úlken derekter, zattar interneti, jasandy intellekt, blokchein jáne basqa da baǵyttaryn ilgeriletýdi qamtamasyz etý qajet» dep atap kórsetken bolatyn.
Atalmysh jobany «Baiqońyr Solar» JShS qolǵa alyp otyr. Kún elektr stansasy Shieli aýdanynyń Sulýtóbe aýylynda ornalasady. Onda kúnine 50 mVt kún elektr qýaty óndiriledi. Atalmysh stansa kórshi aýdandar men oblys ortalyǵyn elektr qýatymen qamtamasyz etedi. Sondai-aq, aýadaǵy kómirqyshqyl gazynyń jyldyq shyǵarylýyn 75 myń tonnaǵa azaitady. Oǵan qosa investitsiia tartýǵa múmkindik beredi.
Bul jobany «Qazyna Kapital menedjment» AQ jáne «Iýnaited Grin Britandyq holdingi» qarjylandyrady. Iske qosylǵannan keiin 23 adam jumyspen qamtylatyn bolady.
Osyndai joba Jalaǵash aýdanynda da qolǵa alynyp otyr. Onda da qýattylyǵy 30 kVt bolatyn kún elektr stantssasynyń qurylys bastaldy. Bul jobany «Nomad Solar» JShS júzege asyrady. Elektr stansasynyń qurylysyna 60 adam jumyldyrylǵan. Paidalanýǵa berilgennen keiin munda 18 jańa turaqty jumys orny ashylady.
