Shieli aýdanynyń Ybyrai Jaqaev aýylynda tabiǵi gaz júrgizildi.
Biyl Shieli aýdanynyń Y.Jaqaev jáne Bidaikól eldimekenderi kógildir otynǵa qosyldy. Qazirgi ýaqytta turǵynúilerge gaz júrgizý týraly kelisimshart jasalýda.
" Memleket basshysynyń qoldaýymen bastalǵan iri strategiialyq mańyzy bar — "Beineý-Bozoi-Shymkent" magistraldy gaz qubyry Syr eline sátti múmkindik berdi. Olai deitinim, oblys aýmaǵynan ótetin 846 shaqyrymdyq gaz qubyry Qyzylorda oblysyn gazdandyrýǵa jol ashty. Bul Aral, Qazaly, Shieli, Jańaqorǵan aýdan ortalyqtaryn jáne ótken jyly Baiqońyr qalasyn gazdandyrýǵa múmkindik berdi. Mine, endi kent ortalyǵynan bólek aýyldyq eldimekenderdi de gazdandyrý jumystary júrgizilýde", - dedi aimaq basshysy.
Ybyrai Jaqaev aýylynyń turǵyny Quralbek Áýelbekov alǵashqylardyń biri bolyp úiine gaz júrgizdi.
"Biz tabiǵi gaz júrgizilgenine qýanyshtymyz. Endi peshti qolmen jaǵyp, otyn satyp alýdyń qajeti joq. Sonymen qatar, úidi gazben jylytý ár qys saiyn satyp alatyn kómirge qaraǵanda áldeqaida tiimdi bolady. Qazirdiń ózinde úiimiz jylynyp, jaily kórinedi ", - deidi Quralbektiń jubaiy Lázzat Pármenqulova.
