Búgin Qyzylorda oblysynda 7 adam «COVID-19» infektsiiasyn juqtyrdy, dep habarlaidy "Ult aqparat".
Aýrý juqtyrǵandardyń beseýi - Shieli aýdanynda, bireýi - Syrdariia aýdanynda jáne bir jaǵdai Qyzylorda qalasynda tirkelgen.
Shielidegi 5 adamnan jáne Syrdariiadaǵy 1 adamnan koronavirýstyq infektsiia juqtyrǵan adammen qarym-qatynasta bolýyna bailanysty, al Qyzylorda qalasynda anyqtalyp otyrǵan 1 adamnan JRVI simptomdaryna shaǵymdanýyna bailanysty zerthanalyq synamalar alynǵan. PTR diagnostikalyq zertteý qorytyndysymen COVID-19 diagnozy naqtylandy.
Qazirgi tańda naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda.
Aýrý oshaqtarynda dezinfektsiialyq jumystar júrgizilip jatyr.
9 sáýirdegi jaǵdai boiynsha oblysta COVID-19 infektsiiasyna shaldyqqan 92 adam bar:
Qyzylorda qalasynda – 10
Jańaqorǵan aýdanynda – 16
Qarmaqshy aýdanynda – 4
Shieli aýdanynda – 52
Syrdariia aýdanynda – 8
Aral aýdanynda - 2.
