Qyzylorda oblysy Shieli aýdanynda epidemiologiialyq jaǵdai turaqtanǵansha karantin sharalary kúsheitiledi, dep habarlaidy aýdan ákimdigi.
Shieli aýdanynda koronavirýs infektsiiasy boiynsha sońǵy 7 kún ishinde syrqattaný deńgeii 7%-dan asyp ketkendikten, epidemiologiialyq ahýal turaqsyz bolyp baǵalanyp otyr. Osyǵan orai koronavirýs infektsiiasynyń aldyn alý jáne taralýyna jol bermeý maqsatynda shekteý jáne karantin sharalary kúsheitiletin boldy.
«Búgingi tańda Shieli aýdany boiynsha koronavirýs infektsiiasyn juqtyrýshylar sany 101-ge jetip otyr. Bul karantin erejelerin jeńildetýdiń saldarynan oryn aldy. Osyǵan orai, Qyzylorda oblystyq Bas sanitariialyq dárigeriniń №15 jáne Shieli aýdandyq Bas sanitariialyq dárigeriniń №9 arnaiy bektilgen qaýlylaryna sáikes, karantin talaptary qaita kúsheitilýde. Aýdan turǵyndary qarapaiym gigienalyq normalardy saqtaýdy umytpai, qoǵamdyq oryndarda, azamattar kóp shoǵyrlanatyn jerde mindetti túrde meditsinalyq maska taǵýy qajet. Ásirese balalarǵa túsindirip, otbasymyz ben jumysymyzda da osy tártipti saqtaýymyz qajet», - dedi Shieli aýdanynyń ákimi Qambarbek Múbarakov.
Endigi kezekte aýdan kóleminde kópshilik is-sharalardy ótkizýge tyiym salynady. Olardyń qatarynda merekelik, sporttyq-kópshilik, oiyn-saýyq, mádeni-kópshilik is-sharalardy, konferentsiialar, seminarlar jáne ózge de sharalar bar. Sondai-aq, ujymdyq, otbasylyq (týǵan kún, úilený toiy, qudalyq, as berý,basqa da dástúr men ádet-ǵuryp sharalary, t.b.) barlyq jiyndarǵa tyiym salý jalǵastyrylady. Bilim berý ortalyqtary, úiirmeler, qosymsha bilim berý ortalyqtarynyń jumysy shekteýli merzim boiynsha júrgiziledi. Oǵan qosa menshik nysanyna qaramastan úi-jailardaǵy balalar oiyn alańdarynyń, kinoteatrlar, fýtkordtar jáne táýliktiń páterler men úilerdi jalǵa berý-alý qyzmetterine tyiym salý nazarda bolady.
Qazir Qyzylorda oblysynda 533 adam koronavirýs infektsiiasyn juqtyrǵany anyqtaldy. Onyń 475-i aýrýynan jazylyp shyqty.
