Memleket basshysy Qasym-Jomart Toqaev «Qazaqstan» telearnasyna bergen suhbatynda shetelge zańsyz shyǵarylǵan qarajatty qaitarý máselesine qatysty pikir bildirdi, - dep habarlaidy Tengrinews.kz agenttigi.
"Úkimetke tiisti tapsyrma berdim. Bul másele boiynsha Úkimet eki aidan keiin maǵan naqty usynystaryn aitady. Sodan keiin jumys bastalady. Bul másele boiynsha aýqymdy saraptama jasaý kerek. Onsyz bolmaidy. Sodan keiin sheteldegi tiisti mekemelermen kelissózder júrgizýge kirisemiz. Bul óte kúrdeli ári uzaq ýaqytqa sozylatyn jumys bolatyn siiaqty. Ony ashyq aitqan jón. Biraq ádildikke jetý úshin osy jumysty bastaý kerek. Shetelge zańsyz shyǵarylǵan qarajatty elge qaitarýǵa tiispiz", - dedi ol.
